КIварчагърин юкьван школада кIелдай йисара Рамазанов Фейрудин тренер, спортдин мастер Межидов Албертан гъилик боксдал машгъул хьана. 7 йисан къене ада республикада тухвай хейлин турнирра кIвенкIвечи чкаяр кьуна.
2006-йисуз школа акьалтIарай Фейрудин ДГПУ-дин Дербентдин филиалдик экечIна. Ина ам кикбоксингдал машгъул хьунал элячIна. Спортдин и жуьредайни адахъ хъсан нетижаяр жезва. ИкI, 2008-2009-йисара Ф. Рамазанова кикбоксингдай («Лоу-Кик» разделдай) Дагъустан Республикадин чемпионатда 3, республикадин Кубок патал тухвай акъажунра 2, Кьиблепатан Россиядин чемпионатда 1-чкаяр кьуна.
2010-йисуз Ф. Рамазановакай 86 килограммдин заланвиляй Избербаш шегьерда Дагъустан Республикадин Кубок патал кьиле фейи акъа жунра 3-призер ва Владимир шегьерда кьиле фейи Россиядин чемпионатда чемпион хьана.
Тренер А. Межидова чаз лагьайвал, алай вахтунда Ф. Рамазанова международный турнирдиз гьазурвилер аквазва.