ЦIийи поселокдин юкьван школада акьалтзавай несилдиз чирвилер ва тербия гунихъ галаз сад хьиз, абур зегьметдал рикI алаз тербияламишунизни кьилин фикир гузва. Школадихъ вичин участок ава. Алатай йисан эхирра ана емишрин къелемар цана, багъ кутуна.
Школадин директор Бег Ягъибегова ва муаллим Замир Алисултанова чаз лагьайвал, участокда цадай 200 къелем школадиз «Ашагастальский» ЗАО-дин директор Ибрамхалил Ибрамхалилова вичин патай пулсуздаказ гана. Идай школадин руководстводи ва аялри карханадин директордиз рикIин сидкьидай чухсагъул лугьузва.
Школьникри цIийиз кутунвай багъдихъ иесивилелди гелкъуьнни тешкилнава.