ьасумхуьруьн 1-нумрадин СОШ-дин спортдин майдандал рагьметлу Алимурад Сейфуллаевич Къазибегован гьуьрметдай мини-футболдай 4-турнир кьиле фена. Са шумуд юкъуз давам хьайи турнирда райондин хуьрерин 8 командади иштиракна. Абурун арада къизгъиндаказ кьиле фейи акъажунра финалдиз «Куьре» (Кьасумхуьр) ва «Джунгли» (ЦIийи поселок) командаяр акъатна. И къугъуна вичихъ республикадин дережадин турнирра къугъунин тежриба авай, Кьиблепатан Дагъустандин Кубокдин иеси тир «Куьре» командади 2:0 гьисабдалди гъалибвал къачуна ва 1-чка кьуна.
3-чка патал кьиле фейи къугъуна ЦIийи Макьарин командади Герейханован хуьруьн командадин винел гъалибвал къачуна.
Турнирда 1, 2, 3 ва 4-чкаяр кьур командайриз, кубокар, грамотаяр, пулунин пишкешар, хъсан тешкиллувал ва техника къалурай Алидхуьруьн командадиз, гьакIни тафаватлу хьайи кьилдин футболистриз махсус призар гана.
Турнирдиз спонсорвал рагьметлу Алимурад Сейфуллаевичан стхайри, багърийри, ярар-дустари, РУО-ди, райондин спорткомитетди ва ДЮСШ-ди авуна.