• Мекьивилелай арадал атанвай азарар агъадихъ галай рецептдалди сагъариз жеда:
Серг ва я чичIек куьлуь авуна банкадиз вегьена сив агалда. Ахпа зур сятдилай банкадин сив ачухна, 5-6 сеферда нерай ва сивяй дерин-дай нефес чIугвада. И серенжем йикъа 6-8 сеферда тикрарда.
• Тумавар зверобойдин ягълудалди сагъариз жеда. Хуьрекдин са тIурунавай зверобойдин ягълу ва гьакьван вазелин сад-садак какадарна, памбагдал эцигна 10-15 декьикьада нерин хилера твада.
• Мадни тумавар хьанвайла са тIурунавай къацу чайдал са стакан ргазвай яд илична ам чимиз амукьдалди тада, ахпа нерин гьар са хел и къаришмадалди чуьхуьда. Ам йикъа 6-8 сеферда тикрарда.
• Шекердин азар авайла, 1-2 тIурунавай жумунин пешерал са стакан къайи яд илична, зайиф цIал эцигна 15 декьикьада ргада, ахпа ам куьзна йикъа пуд сеферда хуьрекдин са тIурунавайди ишлемишда.
• ЧIулав лекь ва туькьуьлдин куркур тIазвайла 10 г жумарин цилерал са литр къайи яд илична 10 сятда тада. Ахпа ам куьзна йикьа 3-4 сеферда 1/2 стакандавайди хъвада.
• РикIин дамарар мягькем хьун патал жумар ва буран (сад хьтин паяр) кьилдин къапара ргада, ахпа абуруз хъсандиз тIур яна, сад-садак какадарда ва аниз чайдин са тIурунавай кIерецин хехвер, гьакьван куьлуь авунвай машмашдин патар алава хъувуна, мад сеферда тIур хкуьрна, са банкадиз вегьена холодильникда эцигда. Гьар экуьнахъ фу нез 30 декьикьа амайла чайдин са тIурунавайди ишлемишда.
• Жалгъаяр тIазвайла са какадиз тIур яда ва аниз хуьрекдин са тIурунавай набататдин чIем, йод, 70% сиркедин (уксус) эссенция алава хъувуна, вири сад-садак какадарна холодильникдин кIане эцигда, ахпа ам йикъа кьве сеферда тIазвай жалгъайривай гуьцIда.
• 200 г. кьел, 100 г кьурай горчица ва парафин вири сад-садак хкуьрна, адакай крем тIуькIуьрна, йифелай пакамалди чими чкада эцигда. Ксудалди вилик ам тIазвай жал-гъайривай гуьцIда ва экуьнахъ а чкаяр чими целди чуьхуьн хъийида.