1-ноябрдиз Вирироссиядин «Сад тир Россия» политический партиядин Дербент шегьердин отделенидин политсоветдин заседание хьана. Анал партиядин чкадин отделенидин секретардин къуллугъдал хкядай касдин кандидатурадиз талукь месэладиз килигна. «Сад тир Россия» партиядин чкадин отделенидин исполкомдин руководитель Мурад Мурадова кIватI хьанвайбур партиядин политсоветдин президиумдин 15-октябрдиз хьайи заседанидал секретардин къуллугъдал хкягъун патал «Дербент шегъер» муниципальный тешкилатдин кьил Имам Яралиеван кандидатура къалурунин гьакъиндай къарар кьабулнавайдан патахъай хабардар авуна.
Заседание кьиле фидай чIавуз И.Яралиеван кандидатурадин тереф политсоветдин маса членрини хвена. Ачухдаказ сесер гуналди, Имам Яралиев Вирироссиядин «Сад тир Россия» политический партиядин Дербент шегьердин отделенидин секретардин къуллугъдал рейсадвилелди хкяна.
Заседанидин эхирдай И.Яралиева вичиз авур еке ихтибардай вирибуруз сагърай лагьана ва шегьердин агьалийрин хушбахтвал патал вичи дурумлудаказ кIвалахдайдахъ инанмишарна.