Алатай гьафтеда муниципальный райондин администрациядин заседанийрин залда хуьрерин школайрин директоррин ва школада кIелдай вахтунилай вилик квай яшдин образованидин идарайрин руководителрин семинар-совещание хьана. Анал райондин образованидин идараяр хъуьтIуьз гьазур хьанвай гьалдикай РУО-дин начальник Ж. Асланова, школьникрихъ алатай кIелунин йисуз райондин ва республикадин олимпиадайра хьайи нетижайрикай, школайра ва районда тухун лазим тир серенжемрикай РУО-дин начальникдин заместитель Къ. Аминова информацияр авуна.
Семинар-совещанидал алай месэлайрай анал чпин фикирар ГО-дин ва кьетIен гьаларин райондин отделенидин начальник М. Закариева, образованидин хилен работникрин профсоюздин комитетдин председатель Х. Халилбегова, ДаркIуш къазмайрин СОШ-дин директор С. Савзиханова, Кьасумхуьруьн 1-нумрадин СОШ-дин директор Х. Хаирова, Герейханован хуьруьн ясли-бахчадин зеведующая У. Гьабибовади ва масабуру лагьана.