ШартIарилай аслу яз, акатай гьи кас хьайитIани тахсиркарвал ийиз кIанзавайда залуквиле (заложник яз) кьун мумкин я. И чIавуз тахсиркарди вичин политический макьсадар кьилиз акъудун, ришвет (выкуп) къачун патал адакай менфят къачун мумкин я. Вири дуьшуьшра куь уьмуьр террорист патал савдадиз элкъвезва.
Залуквиле инсан улакьда, идарада, куьчеда, кIвалени кьун мумкин я.
Эгер куьн залуквиле кьунваз хьайитIа, агъадихъ галай жув дуьз тухунин къайдайрал амал ая:
- куьн кьунвайди яракь ишлемишунин, инсанрикай телефвилер хьунин гьерекатрал гъидайвал ийимир;
- вири четинвилериз дурум це, тахсиркардин вилериз килигмир, жув секиндаказ, муьтIуьгъ яз твах, масадбурун уьмуьрни къурхулувилик кутамир;
- маса чара авачиз хьайитIа, тахсиркардин истемишунар кьиле тухуз алахъа;
- рикIел акьалтай крар ийимир, ацукьиз, къарагъиз, яд хъваз, туалетдиз физ кIанз хьайитIа, хабар кьуна ихтияр къачу;
- эгер квел хер хьанваз хьайитIа, юзур тавуна секиндиз акъваза, икI куьне квекай иви гзаф хкатуниз рехъ гудач.
Жезмай кьван фагьумлу хьухь, тахсиркардин лишанар рикIел хуьз алахъа, адан чинин тафаватлу лишанар, адал алай парталар, тIварар, лакIабар, алаз хьайитIа, чинрал алай кьацIар, гелер, татуировкаяр, рахунрин кьетIенвилер, вич тухузвай къайда, квекай рахазватIа ва масабур.
Чир хьухь: куь залуквиле кьунвайдакай хабар хьанмазди махсус къуллугъри куьн азад авун патал вири серенжемар кьабулиз алахъзавайди я. И вахтунда тIалабзавай вири истемишунар кьилиз акъудиз алахъа:
- чилел чин кIаник авуна къаткук, кьил гъилеривди кIевира ва юзамир;
- махсус къуллугърин работникрин къаршидиз ва я абурухъай яргъаз катмир, мумкин я и чIавуз куьнни тахсиркаррикай яз кьун;
- мумкинвал аваз хьайитIа, ракIарривай ва дакIарривай яргъа жез алахъа.
Эгер квез ихьтин тахсиркарвал ийиз гьазурвал аквазвайдакай хабар хьайитIа, тади гьалда яшамиш жезвай чкада авай ФСБ-дин ва МВД-дин сергьятдин органриз хабар це.
