Эгер квез вич хъиткьинардай затI хьун мумкин тир шей акуртIа (жагъайтIа) и кардиз фикир тагана тамир.
Эгер квез общественный улакьда рикIелай алатна аламай иеси авачир шей акуртIа сифте ви патав гвай инсанривай хабар яхъ, адан иеси жагъуриз алахъа. Эгер адан иеси жагъун тавуртIа, тадигьалда а улакь идара ийизвайдаз хабар це.
Эгер ахьтин шак фидай шей квез куь кIвалерин дегьлиздай (подъезддай) акуртIани сифте къуни- къуншийривай хабар яхъ, мумкин я ам къуншидинди хьун. Эгер адан иеси жагъун тавуртIа, тадигьалда милициядин отделенидиз ва я участковыйдиз хабар це.
Ихьтин шак фидай шей куьне кIвалахзавай ва я кIелзавай идарада акуртIа адакай анин администрациядиз хабар це.
Чна винидихъ къейд авур вири дуьшуьшра:
-жагъай шейиник хкуьрмир, ам ахъаймир ва алай чкадилай юзурмир;
-ам акур (жагъай) вахт рикIел хуьх;
-вич хаталу затI хьун мумкин тир а шейинин патавай инсанар жезмай кьван яргъаз хьун патал алахъа.
-оперативно- следственный группа къведалди анал акъваза;
-куьн важиблу шагьид тирди рикIелай ракъурмир.
РикIел хуьх: а шейинин винел патан акунрай ана вуч аватIа чир тахьун мумкин я. Хъиткьинардай затI кIевирун патал майишатда ишлемишзавай адетдин шейэр ишлемишунни мумкин я: сумка, пакет, коробка, игрушка, свёрток ва м.с.б.
Диде-бубаяр! Куь хиве куь аялрин уьмуьр ва сагъламвал хуьн таъминарунин жавабдарвал ава. Куьчеда ва я подъездда жагъай гьар гьи шей хьайитIани куь аялрин сагъламвал патал хаталу тирдан гьакъиндай абур гъавурда тур.
Мад сеферда рикIел хкиз кIанзава: вич хъиткьиндай затI хьун мумкин тир жагъай шак фидай шейинин гьакъиндай жува-жуваз са серенжемни кьабулмир. Ахьтин дуьшуьшда а шей хъиткьинун, гзаф кьадар телефвилер хьун ва дараматар чкIун мумкин я.