- Сесер гудай югъ тир 10-октябрдиз чи райондин 16 муниципальный тешкилатда жуьреба-жуьре дережайрин сечкияр кьиле фида. Райондин хуьрера сечкидин 31 кампания тухудайвал я. Абурукай 15 кампания хуьрерин муниципальный тешкилатрин кьилер хкягъуниз, 16 хуьрерин векилвалдай органрин депутатар хкягъуниз талукьди я.
Алай вахтунда кандидатар регистрация авунва, сечкийрилай виликан кампанидиз гьазурвал аквазва, участокрин сечкидин комиссияр тешкилнава. Райондин администрация тешкиллувилин месэлаяр гьялунал, сечкийрин вахтунда менфят къачудай дараматар хкягъунал, герек документация гьазурунал машгъул я.