За райондин образованидин работникриз, и хилен ветеранриз, школьникриз, студентриз ва вири районэгьлийриз Чирвилерин югъ рикIин сидкьидай мубаракзава.
Школади акьалтзавай несилдиз неинки чирвилер гузва, гьакIни ам бубайрин лап хъсан адетралди тербияламишзава, алай аямдин, цIийи хъижезвай уьмуьрдиз гьазурзава.
Илимдинни техникадин жигьетдай вилик финин шартIара ери аваз чирвилер ва тербия гунин, обществодин уьмуьрда абурун роль аннамишунин метлеб алцумиз тежер кьван артух жеда.
И юкъуз чна муаллимдиз, адан регьятди тушир зегьметдиз гьуьрмет ийизвайди къалурзава. Адан зегьмет себеб яз образованидин система амазма ва виликди фин давам жезва.
Заз квехъ виридахъ мягькем сагъламвал, ислягьвал ва хушбахтлувал, кIелунрани зегьметда чIехи агалкьунар хьана кIанзава.
«Сулейман-Стальский район» муниципальный райондин Кьилин везифаяр тамамарзавайди Ш. Магомедханов