Инсанди мусурман адетдалди парталар алукIайтIани мусурман тIвар эцигайтIани, капI тийиз хьайитIа, ам мусурман яз гьисабиз жедач.
Къияматдин юкъуз Аллагьдин вилик жаваб гудайла, хабар кьазвайдини кпIар авун я. А вахтунда гьисаба кьазва: Аллагьдин тIвар кьуна авур кпIар рикIин сидкьидай авурбур яни, тушни? Авур кпIари масадаз писвал авуникай ва рекьяй акъатуникай хвенани?
КапI авунихъ инсандин уьмуьрда еке метлеб ава. Ада пиянискавиликай, чал-кечирвиликай, писвал аву¬никай, фитнечивиликай хуьда ва инсандик гуьгьуьллувал кутада, инсанрин арада гуьгьуьллувал арадиз гъида. КапI авуни чи руьгь мягькемарда, чун халкь авур Худадин патай кьетIен гьуьрмет ва баркалла гъида.
КапI авун гьар са мусурмандин буржи я. Динсузриз, маса диндин векилриз, акьулдиз кьерибуруз ва ирид йис тамам тахьанвай аялриз капI авун ферз туш.