29-июндиз РД-дин кьуд лагьай сеферда хкянавай Халкьдин Собранидин къанни цIуругуд лагьай сессия кьиле фена. Адан кIвалахда РД-дин Прези¬дент Мегьамедсалам Мегьамедова, Федеральный Собранидин Федерациядин Советдин членри, РФ-дин Госдумадин, РД-дин парламентдин депутатри, Гьукуматдин членри, федеральный ведомствойрин республиканский органрин, судрин органрин руководителри, политический партийрин ва обще¬ственный тешкилатрин векилри, муниципальный районрин ва шегьеррин округрин администрацийрин кьилери, СМИ-рин руководителри иштиракна.
Сессия РД-дин Халкьдин Собранидин Председателдин Сад лагьай заместитель Николай Алчиева ачухна ва ада тухвана.
РД-дин Халкьдин Собранидиз РД-дин Президентдин Чар раиж авун сессиядин кьилин вакъиадиз элкъвена.
И лап важиблу политический документ Дагъустанда общественно-политический ва социально-экономический гьалар мягькемарунин барадай республикадин политический къуватар тупламишунин кар алай такьатдиз элкъуьн лазим я.
Мегьамедсалам
МЕГЬАМЕДОВ:
«За вири политический къуватриз, гражданвилин обществодин къурулушриз, вири дагъустанвийриз Дагъустан цIийи хъувун патал, республика вилик тухунин акьалтIай важиблу месэлаяр гьялун патал къуватар сад авуниз эвер гузва! »
