ЦIийи поселокдин юкьван школада кIелзавай йисара Разаханов Нисредин азаддиз къуршахар кьунал машгъул жезвай. Школа акьалтIарай ам 2007- йисуз Адыгеядин государстводин университетдин юридический факультетдик экечIна ва ушу-саньдадал машгъул хьунал эляч1на. Спортдин и жуьредай Нисредина Адыгеядин ва ЮФО-дин чемпионатра кIвенкIве-чивал къазанмишна. Гуьгъуьнилай Н.Разаханова Майкоп шегьерда ушу-саньдадай кьиле фейи Россиядин чемпионатда 2- чка кьуна.
Мукьвара Россиядин хкянавай командадик кваз Нисредина Италияда кьиле тухвай Европадин чемпионатда иштиракна. 68 килограммдин заланвиляй ада 1-чка кьуна ва Европадин чемпионвилин тIвар къачуна.
Кьегьал хва Н.Разахановаз чIехи агалкьун мубарак авуналди, чаз адахъ спортда мадни чIехи агалкьунар хьун кIанзава.