Махачкъалада общественно-политический деятель Мегьамед-Салам Умаханов рикIел хкунин лишандик кваз боксдай 12-сеферда международный турнир кьиле фена. Рингдиз саки 10 уьлкведай тIвар-ван авай боксерар экъечIна. Абурун арада чи районэгьли, дуьньядин чемпион, Пекинда кьиле фейи Олимпиададин иштиракчи Альберт Селимовни авай. 60 килограммдин заланвиляй Альберта Денис Беренчикал (Украина), Эльнур Алиевал (Азербайжан), финалдани Иса Исаевал (Дагъустан) гъалибвал къачуналди, инанмишвилелди 1-чка кьуна.
Чи газет кIелзавайбуру А. Селимоваз и агалкьун мубаракзава.