15-майдиз хзандин йикъаз талукьарна Кьасумхуьруьн ЦСПСД-дин гьукуматдин идарада чIехи мярекат кьиле фена. Аниз тIимил таъмин тир ва гьакIни гзаф аялар авай 17 хзандин аялриз ва диде-бубайриз теклифнавай. И мярекат ЦСПСД ГУ-дин директордин заместитель Алиева Имаради ачухна ва кьиле тухвана. Ада сифте чи уьлкведин руководстводи ва гьукуматди хзандин месэладиз еке фикир гузвайдакай, и жигьетдай кьабулзавай серенжемрикай, чпин идаради тухузвай кIвалахдикай куьруь суьгьбет авуна.
Чпи тухузвай кIвалахдикай анал куьруь информацияр гваз начагъ аялар реабилитировать ийидай отделенидин зеведиш З. Азизова, аялар юкъуз кьабулзавай отделенидин пешекар Р. Шагьпазова, социальный жигьетдай тади куьмек гудай отделенидин юрист Ш. Тажибова рахана.
И мярекатдиз къаюмвал ийидайбур жагъурун патал социальный жигьетдай тади куьмек гудай отделенидин пешекарар тир М. Мегьамедовади ва Э. Эскендаровади еке зегьмет чIугуна. И мярекатдин иштиракчияр патал ширинлухар алай столар туькIуьрнавай.
Межлисдин эхирдай Имара Алиевнади и мярекат кьиле тухун патал пулдин куьмекар гайи райондин депутатрин Собранидин председателдин заместитель Нариман Шамсудиновичаз, карчи Маил Идаятовичаз, Агъа СтIалрин хуьруьн администрациядин кьил Низами Абдурагьмановичаз, «Евроокна Ашага Стал» карханадин руководстводиз чухсагъул лагьана.
И мярекатдилай гуьгъуьниз аялар СтIал Сулейманан мемориальный КIвал-музейдиз тухвана.