И йикъара Кьасумхуьрел райондин имамрин советдин заседание хьана. Им райондин сергьятда терроризмдиз ва экстремизмдиз рехъ тагун патал, адахъ галаз кьетIидаказ женг чIугун чарасуз тирдан гьакъиндай ва наркомания гегьенш хьуниз рехъ тагана кIанзавайвилиз талукьарнавайди тир. И месэладай райондин имамдин заместитель Шамсудин гьажи Абдулмуталибова гегьеншдиз рахунар авуна.
Ахпа анал Фахрудин гьажи Османов, ва са шумуд хуьруьн имамарни рахана.
Инин кIвалахда С. Стальский РОВД-дин начальник милициядин подполковник Э. Мегьамедова, РУО-дин начальник Ж. Асланова, райондин агъсакъалрин Советдин председатель Х. Асланова, райондин ветеранрин Советдин председатель М. Гьасанова иштиракна, ва абуру чпин фикирар лагьана, теклифар гана.
Эхирдай заседанидал тайин къарарни кьабулна.
****
И йикъара Кьасумхуьрел республикадин олимпиадайра гъалиб хьайи бажарагъ авай аялар руьгьламишунин мураддалди райадминистрациядин заседанийрин залда шад гьалара къаршиламишна.
Анал куьруь гаф гваз администрациядин кьилин сад лагьай заместитель Мусаиб Агьмедов рахана ва къазанмишнавай агалкьунар аялриз мубарак авуна.
Гуьгъуьнлай анал РУО-дин начальник Ж. Асланов рахана ва ада гъалиб хьайибурув, яни аялрив ва муаллимрив дипломар ва пулдин пишкешар вахкана.