26-апрелдиз райадминистрациядин заседанийрин залда кьуд лагьай сеферда эвер ганвай 20-сессия кьиле фена. Ам муниципальный райондин депутатрин Собранидин председателдин заместитель Абдулмуталибов Нариман Шамсудиновича ачухна ва кьиле тухвана.
Сессиядин кIвалахда хуьрерин поселенийрин кьилери, райадминистрациядин управленийрин, отделрин ва гьакIни анал гьялзавай месэлайрихъ галаз алакъалу тир идарайрин, организацийрин руководителрини иштиракна.
Сессия йикъан агъадихъ галай месэлайриз килигна.
1. 2009-йисуз муниципальный райондин контрольно-счетный палатади тухвай кIвалахдин гьакъиндай гьахъ-гьисаб.
2. 2009-йисуз «Сулейман-Стальский район» муниципальный райондин бюджет тамамарай гьалдин гьакъиндай гьахъ-гьисаб.
3. «Сулейман-Стальский район» муниципальный райондин Уставдик дегишвилер ва алаваяр кухтунин жигьетдай къарар кьабулунин гьакъиндай.
4. Сулейман-Стальский районда муниципальный контроль тешкилунин ва кьиле тухунин Къайда тестикьарунин гьакъиндай.
5. Сулейман-Стальский муниципальный районда музейдин кIвалахдин жигьетдай Положение тестикьарунин гьакъиндай.
6. Сулейман-Стальский райондин сергьятар планламишунин схемаяр тестикьарунин гьакъиндай.
7. 2010-йис патал муниципальный райондин бюджетда дегишвилер тунин гьакъиндай.
Сулейман-Стальский муниципальный райондин муниципальный хсусиятдин объектар «сельсовет Герейхановский» хуьруьн поселенидив вахкунин гьакъиндай.
9. «Сулейман-Стальский район» муниципальный райондин администрациядин культурадин ва информациядин патав халкьдин художественный сеняткарвилер вилик тухудай центр тешкилунин гьакъиндай.
10. Муниципальный райондин администрациядин информацийрин технологийрин отделдин жигьетдай Положенидин гьакъиндай.
Сессиядал гьялай месэлайрин гьакъиндай гегьенш материалар чна агъадихъ гузва.
