Кьасумхуьр алимринни шаиррин, композиторринни манидаррин, муаллимринни маса пешекаррин макан хьиз, чпин тIварар дуьньяда машгьур чемпионринни тренеррин чад я лагьайтIа, зун ягъалмиш жедач. Мукьвара заз чи агьалийриз са акьван хъсандиз таниш тушир спортдин жуьре тир бодибилдингдай агалкьунар къазанмишзавай кьасумхуьруьнви Гьасанагъаев Рустамакай делилар жагъана.
Тюмендин областда яшамиш жезвай чи районэгьлиди сифте чIехи агалкьун 2008-йисуз къазанмишна: Санкт-Петербургда Вирироссиядин кIвен-кIвечивал патал кьиле фейи акъажунра ада 1-чка кьуна ва къизилдин медаль къачуна.
Гуьгъуьнилай Р. Гьасанагъаевахь агалкьунар мадни хьана. ИкI, алатай йисан 23-28-октябрдиз Ханты-Мансийск шегьерда Россиядин кIвенкIве-чивал патал акъажунар кьиле фена. Ана Рустама буьруьнждин ва къизилдин медалар къачуна.