И йикъара Дербент шегьерда 1994-1995-йисарин яшда авай жаванрин арада СССР-дин спортдин мастер А. Р. Агьмедован приз патал азаддиз кьуршахар кьунай республикадин турнир кьиле фена.
Турнирда республикадин гзаф районрин спортшколайрин командайри иштиракна. Гьа жергедай Герейхановский спортшколадин командадини.
Къизгъиндаказ кьиле фейи акъажунра чи жаван спортсменар тир Эльхан Кьасумова (54 кг.) ва Жигеров Мурада (42 кг.) 1-чкаяр кьуна. Абуруз медалар, 5000 манат пул ва гьуьрметдин грамотаяр гана.
И агалкьунрик чи спортсменрин тренерар тир Алдеров Русланан ва Къараханов Эльманан зегьметдин еке пай ква.