Алай йисан мартдин вацран сифте кьилера (5-7) ДР-дин спортдинни физкультурадин министерстводин табийвилик кваз Дагъустандин Огни шегьерда 1996-1997-йисара хьанвай жаванрин арада боксдай зональный соревнованияр кьиле фена.
52 килограммдин заланвал авай спортсменрин арада 1-чка чи районэгьли бажарагълу боксер Ферзалиев Тамирлана кьуна.
23-28-мартдиз и яшарин жаванрин арада кьиле фейи финалдин акъажунра Ферзалиев Тамирлана вичин заланвилин категориядай 2-призовой чка кьуна ва ам ДР-дин хкягънавай командадин составдик кутуна. Ада майдин вацран сифте кьилера Кеферпатан Федеральный округдин кIвенкIвечивал патал Къизляр шегьерда кьиле фидай акъажунра иштиракда.
Алай йисан мартдин вацран 29-31-йикъара ДР-дин образованидин министерстводин къаюмвилик кваз Дербент шегьерда 1996-1997-йисара хьанвай жегьилрин арада боксдай кьиле фейи зоналный акъажунрани чи пуд спортсменди - Ферзалиев Тамирлана (52кг), Мегьамедов Рагьима (43кг) ва Байрамбегов Мегьамед-тIагьира (37кг) чпин заланвилин категорийрай 1-чкаяр кьуна. Чна чи жегьил спортсменриз ва абурун тренер боксдай РФ-дин спортдин мастервиле кандидат Альберт Межидоваз и виниз тир агалкьунар мубаракзава ва вичихъ хъсан гележег авай жегьил спортсмен Ферзалиев Темирлан Къизлярдайни медаль гваз хкведайдак умуд кутазва.