Курхуьруьн 2-нумрадин школада гзаф аялри вадралди ва кьударни вадар аваз кIелзава. Абурун жергеда 11-класс акьалтIарзавай Давудова Альбинани ава. Ада сад лагьай классдилай эгечIна лап хъсандиз кIелзава, юлдашриз куьмекарни гузва. Дерин чирвилер къачузвайди хьиз Альбинади районда, республикада кьиле тухузвай олимпиадайрани активвилелди иштиракзава. «Дагъустандин тарих» предметдай районда кьиле фейи олимпиадада Альбинади сад лагьай чка кьуна. Гуьгъуьналлаз и предметдай Махачкъалада педагогический университетда кьиле фейи олимпиададин эхиримжи турда А. Давудовади 3-чка кьуна.
Адаз 3-дережадин дипломдихъ галаз 7 гьар жуьредин ктабарни пишкеш яз гана.
Абур гъиле вахкудайла тарихдин факультетдин декан Асваров Нариман Асваровича агалкьун мубаракна ва Альбинадиз чпин факультетдик экечIун теклифна. Альбинади исятда ЕГЭ-диз гьазурвал аквазва.