29-мартдиз «Сулейман-Стальский район» муниципальный райондин администрациядин нубатдин заседание хьана. Адан кIвалахда администрациядин управленийрин ва отделрин, гьакIни организацийринни карханайрин руководителри, хуьрерин муниципальный тешкилатрин кьилери, теклифнавай маса юлдашри иштиракна.
Заседание, анал алай месэлайрикай лугьуналди, райондин администрациядин Кьил Штибег Гьажимегьамедович Мегьамедханова ачухна ва кьиле тухвана.
Анал «Хуьруьн майишатдин шей гьасилзавайбур 2010-йисан гатфарин кIвалахар тешкиллувилелди тухуниз гьазур хьанвай гьалдин гьакъиндай» месэладай райондин хуьруьн майишатдин управленидин начальник М. М. Бабаева доклад авуна.
И месэладай анал талукь къарар кьабулна. (Ам агъадихъ гузва).
Заседанидал жуьреба-жуьре маса месэлайризни килигна.