1709-йисан 27-июлдиз Сад лагьай Петрдин регьбервилик кваз урусрин армияди шведрихъ галаз Полтавадин женгина гъалибвал къазанмишайдалай инихъ 300 йис тамам хьунихъ галаз алакъалу яз «Мы-наследники Победы!» Международный Акция – Проектдин Центральный штабди кьиле тухвай Вирироссиядин конкурсдин сергьятра аваз аялар хайи Ватандин культурадихъ ва тарихдихъ галаз мукьва авунин, илимдинни ахтармишунин кIвалах активламишунин яратмишдай алакьунар авайбур майдандиз акъудунин ва абуруз куьмек гунин мураддалди РУО-дин пешекарри 2009-йисан апрелдинни майдин варцара умуми образованидин 26 школада райондин этап кьиле тухвана.
Аялрин лап хъсан кIвалахар Москвадиз Центральный штабдиз рекье туна. НуьцIуьгърин юкьван школадин аялар тир Гьуьсенбегова Луизадин, Пашаева Амсиятан, Мейланова Месмеран (руководитель тарихдин тарсар гузвай муаллим Рамазанов Абдулаким Шагьпазович), Курхуьруьн 1-нумрадин юкьван школадин ученик Къурбаналиев Вагьидан (руководитель тарихдин тарсар гузвай муаллим Челябов Тариверди Мегьамедович) кIвалахриз конкурсдин Вирироссиядин этапда хъсан къимет гана.
«Мы – наследники Победы!» Акция – Проектдин Центральный штабдин Председатель армиядин генерал В. Ф. Ермакован тIварцIихъай конкурсда тафаватлу хьайи аялриз Дипломар, муаллимризни Чухсагъулдин чарар хтана.
