Эхиримжи вахтара Гьукуматди гзаф аялар авай дидейриз, аялдик квай, аялрихъ гелкъвезвай дишегьлийриз куьмекдин пулар ва маса кьезилвилер гузва. И рекьерай райондин УСЗН- дин работникрини тайин кIвалах тухузва. Кьилди къачуртIа, чи управлениди агъадихъ галай жуьрейрин пособияр гузва:
1. Аял хайила са сеферда гузвай пулунин пособие- 10988, 85манат;
2. Аялдин 1,5 йис тамам жедалди адахъ гелкъуьн патал гьар вацра гузвай пособие- сад лагьай аялдиз- 2060, 41 манат, кьвед лагьай аялдиз- 4120,82 манат;
3. Армияда къуллугъзавайбурун аялдик квай уьмуьрдин юлдашдиз са сеферда гузвай пособие- 17402 манат;
4. Эвер гана армияда къуллугъзавай аскердин уьмуьрдин юлдашдиз аял хьайила гьар вацра гузвай пособие- 7458 манат;
5. 16 йис жедалди яшара авай аялриз гьар вацра гузвай пособие- 100 манат.
2007- йисан 31- майдиз акъатай Дагъустан Республикадин Президен-тдин 71- нумрадин «О дополнительных мерах социальной поддержки семей, имеющих детей» Указдин бинедаллаз 5 ва адалай гзаф аялар хьайибуруз ЕДВ. 10 агъзур манат, кьве аял санал хьайибуруз- 20 агъзур, пуд аял санал хьайибуруз- 100 агъзур, 10 ва адалай гзаф аялар хьайибуруз 300 агъзур манат пул гузва. Алатай йисуз чи районда ихьтин 15 хзан авай.
2008- йисан 4- июлдиз ДР- дин Гьукуматди 217- нумрадик кваз акъудай Постановленидин бинедаллаз гзаф аялар авай хзанриз коммунальный къуллугърин 30 процент (хзандиз санлай), инвалид аялар авай хзанриз 50 процент (хзандиз санлай ) пул гузва.
Гзаф аялар авай, гьакIни дарвиле авай хзанриз аялар гатун вахтунда ял ягъиз лагерриз ракъурдай кIвалахни чи управленида хъсандиз эцигнава. Алатай йисуз 45 аялди чпин сагъламвал сагъар хъувуна.