Редакциядиз саки гьар юкъуз газет кIелзавай агьалийрилай чарар къвезва. Абуру сбербанкра авай пуларай эвездин пулар низ ва гьикI вахкузватIа хабар кьазва. Сбербанкдин Дагъустандин отделенидай чаз хабар гайивал, 1991- йисан 20- июндалди амай вкладрай агьалийриз эвездин пулар вахкун патал федеральный бюджетдай алатай йисандалай 15 миллиард манат пул артух, санлай 83,5 миллиард манат ахъайдайвал я.
Эвездин пулар 1945- йисал къведалди дидедиз хьайибурув кассайра амай пуларай пуд сеферда, 1946- 1991- йисара хьайибурув 2- сеферда, 1945- йисал къведалди ханвай ирсдаррив (кассада пул эцигнавай касдин яшарилай аслу тушиз) ва 1946- 1991- йисара ханвай ирсдарриз (пул эцигнавай касдин яшарилай аслу тушиз) 2 сеферда артух пул вахкузва.