Алай йисан 1-мартдиз «Сулейман-Стальский район» муниципальный райондин депутатрин Собранидин нубатдин 19-сессия кьиле фена.
Сессия депутатрин Собранидин председателдин заместитель Н. Ш. Абдулмуталибова ачухна ва кьиле тухвана.
Сессиядал райондин администрацияди 2009-йисуз авур кIвалахдикай ва 2010-йис патал вилик акъвазнавай везифайрин гьакъиндай муниципальный райондин администрациядин кьилин сад лагьай заместитель М. Гь. Агьмедова доклад авуна. Докладдин винел райондин Собранидин депутат К. Алискеров, хуьруьн майишатдин управленидин начальник М. М. Бабаев, райондин образованидин управленидин начальник Ж. А. Асланов рахана.
И месэладай депутатри сес гуналди гегьенш къарар кьабулна.
Сессиядал муниципальный райондин уставда, чкадин бюджетда дегишвилер тунин гьакъиндай ва маса месэлайриз килигна.
Анал кьабулай къарарар чна агъадихъ гузва.