Алай йисан 18-февралдиз Герейханован юкьван школадин спортзалда райондин школайра кIелзавай аялрин арада армспортдай Ватан хуьзвайбурун йикъаз талукьарнавай акъажунар кьиле фена.
И акъажунра ЦIийихуьруьн, Алкьвадрин, Герейханован 1 ва 2 нумрайрин, КьуланстIалрин, ДаркIушрин, АгъастIалкъазмайрин, санлай кьурла 10 школадин командайри иштиракна.
Ина гзаф аялри чпихъ спортдин и жуьредай хъсан алакьунар ва гележег авайди къалурна.
Къизгъиндаказ кьиле фейи и акъажунра М. Гьажимурадова (55кг.), Ш. Шихмегьамедова (60 кг.), Ш. Шихнабиева (70 кг., вири ЦIийи Макьар), С. Тагьирова (45 кг., Чуьхверхуьр), Э. Къарабекова (50кг., АгъастIалкъазмаяр) сад, Р. Ярметова (45кг., Чуьхверхуьр), Н. Абдурагьманова (50кг., Алкьвадар) кьвед ва Р. Нуралиева (45 кг.,Кьулан СтIал), Р. Мегьамедова (50 кг., АгъастIалкъазмаяр) 3-чкаяр кьуна.
1,2 ва 3-чкаяр кьур спортсменриз, талукь тирвал, 400, 300 ва 200 манат пул, грамотаяр, «Сад тир Россия» политический партиядин Сулейман-Стальский чкадин отделенидин патай пишкешар гана.