Эхиримжи вахтара республикада агьалияр машинра аваз санай-масаниз тухун авай гьалди, мадни дуьз лугьун хьайитIа, ида арадал гъанвай чIуру кIвалахри Дагъустан Республикадин МВД-дин руководстводик къалабулух кутазва. ИкI, 2009-январдилай инихъ чи республикада рекьеринни транспортдин чIуру 127 дуьшуьш (ДТП) хьана. Абурун нетижада 51 кас телеф ва 209 касдал хирер хьана. Автотранспортдин аварияр, идахъ галаз санал инсанриз хасаратвилер чи райондани хьана. Ихьтин чIуру кIвалахарни, асул гьисабдай, инсанар тухузвай машинар технический рекьяй къайдадик тахьун, лицензионный законодательстводал амал тавун себеб яз жезва.
Ихьтин гьал фикирда кьуна алай йисан 22-февралдилай 2-мартдалди районда «Челнок» тIвар алаз ахтармишунинни профилактикадин серенжемар кьиле тухузва. Адан метлеб инсанар санай-масаниз тухузвай транспортдин такьатрин технический гьал ахтармишуникай ибарат я. ДР-да авай УГАДН-дихъ галаз санал и девирда неинки технический такьатар, гьакI автотранспортдин ва карчийрин кьилдин карханаяр ахтармишда.
«Челнок» серенжемдин нетижайрикай агьалияр чкадин массовый информациядин такьатрай хабардар ийида.