Гележег хъсанди хьун гьар са касдин мурад я. ГъвечIизамаз гележегдикай хиялзавай гьар са кас берекатлу уьмуьрдин сагьибни жеда. Шерифова Камила ачух бахтунин, берекатлу уьмуьрдин сагьиб жедайдак къе амаз умуд кутаз жеда. Ам вичин хайи хуьруьн (гуьгъуьна афериндинни баркалладин гелер тур) къанажагълу дишегьлийрилай чешне къачуз яшамиш жезва.
Камилади вири предметрай анжах лап хъсан къиметралди кIелиз им ирид лагьай йис я. Хуш къилихрин, абурар квай и руш Цмуррин хуьруьн юкьван школадин дамах я лагьайтIа, адан тIварцIиз къвезвай гьахълу келимаяр жеда.
Ам тарсара акьалтIай викIегьди, школадин общественный уьмуьрдани активвилелди иштиракзавай, ана кьиле физвай вири жуьредин мярекатрик вичин пайни кутаз алахънавай кьегьал руш я.
Шерифова Камилади предметрин кружокра, волейболдай спортзалда тухузвай секцийра иштиракзава, тарсарай гуьгъуьна амукьзавай аялриз, къуни-къуншидиз вичелай алакьдай куьмекар гузва. Адаз муаллимрин ва санал кIелзавай аялрин патай еке гьуьрмет ава.
Къуй ви уьмуьр берекатлуди хьурай, Камила! – им адаз къвезвай хуьруьнвийрин дуьа я.