Кьасумхуьрелай тир Мамеев Эмир гьеле школада кIелзавай йисара самбодал ва дзюдодал машгъул жез башламишнай. Бажарагълу спортсменар ва тренерар тир Рамазан ва Тельман Къурбановрин тербиячи Э. Мамеева гзаф турнирра ва чемпионатра кIвенкIвечи чкаяр кьунай. Кьилди къачуртIа, ам 2009-йисуз Санкт-Петербургда кьиле фейи «Дзюдодин фестиваль» международный чIехи турнирдин 2-призер я.
И йикъара Э. Мамеева Махачкъалада дзюдодай 1991-1993-йисара дидедиз хьайи жаванрин арада Дагъустан Республикадин кIвенкIвечивал патал кьиле фейи чемпионатда иштиракна. 90 килограммдин заланвиляй ада приздин 3-чка кьуна. Адаз медаль, 3-дережадин Диплом гана.
Гила Э. Мамеева 15-16-февралдиз Майкоп шегьерда кьиле фидай Северо-Кавказский федеральный округдин чемпионатда иштиракда.