Кьасумхуьруьн 2-нумрадин юкьван школада 270 аялди чирвилер ва тербия къачузва. Школада хъсан къиметар аваз кIелзавай, ахлакь авай, общественный кIвалахра активвилелди иштиракзавай аялрин кьадарни тIимил туш. Абурукай яз чавай 11-классдин ученик Бабаев Майилан тIвар кьаз жеда.
- Майила школада сад лагьай классдилай башламишна «5» къиметар аваз кIелзава, — лугьузва классдин руководитель Саимат Шамсудиновна Селимовади. – Идалайни гъейри, ада тарсарай агакь тийизвай аялриз куьмекарни гузва. Майил классдин старостани я.
М. Бабаева вичихъ химиядай, биологиядай, математикадай хъсан чирвилер авайди са шумудра школадин ва райондин школьникрин олимпиадайра къалурна. ИкI, мукьвара Майила экономикадай райондин школьникрин арада тухвай олимпиадада 1-чка, биологиядай 2-чка кьуна.
Чаз малум хьайивал, М. Бабаевахъ школа акьалтIарайла Санкт-Петербургдин высший военно-медицинский академиядик экечIдай фикир ава. И кар патал ада кьилин категориядин муаллим, РФ-дин Президентдин грантдин сагьиб Лукьманова Къизил Мегьамедовнадин руководстводик кваз кьилдин программадай кIелиз 2 йис я.
Гьар са карда чешнелу ученик тир М. Бабаеван шикил школадин Гьуьрметдин доскада ава.
Молодец, Маил. Ты лучший. Так держать!
Молодец