Райондин прокуратурадин тапшуругъдалди мукьвара чна агьалияр муниципальный къуллугъдал кьабулунин, къуллугъ тухунин ва акъвазарунин рекьерай законодательстводал гуьзчивалзавай гьал ахтармишна. Ахтармишуни къалурайвал, 2007-йисан 2-мартдиз кьабулай Россиядин Федерациядин 25-нумрадин «О муниципальной службе в Российской Федерации» Закондин 30-статья, гьакIни «Об утверждении положения о персональных данных государственных гражданских служаших в Российской Федерации и ведении его личного дела» РФ-дин Президентдин 2005-йисан 30-майдиз акъудай 609-нумрадин Указ чIурайди малум хьана.
ИкI, Закондин 16-статьядин 3-частунин 7-пункт ва Указдин 16-частунин «ц» пункт чIуруналди, Россиядин Федерациядин территорияда яшамиш жезвай физический лицодин хуьрерин поселенийрин муниципальный къуллугъчийрин хсуси делода налогрин органра учетда акъвазнавай копияр авач. Мадни, Закондин 16-статьядин 3-частунин 4-пункт ва 16-частунин «д» пункт чIурун яз военный ва маса къуллугъ тухвайдан гьакъиндай шагьидвал ийизвай документ ва я зегьметдин книжкадин копияр авач.
Закондин 16-частунин «з, и» пунктар чIурун яз муниципальный къуллугъдал кьабулунин актунин копия, къуллугъдин контрактдин ва къуллугъдин контрактда хьайи дегишвилер, алаваяр кухтазвай экземплярар авач.
Ахтармишунин вахтунда тайин хьайивал, Закондин 16-статьядин 3-частунин 9-пункт ва Указдин 16-частунин «ш» пункт чIурун яз хсуси делойра агьалийрик муниципальный къуллугъдал кьабулдайла манийвал гузвай азарар квач лагьай тайинарнавай формадин медицинадин заключенияр авач. Идалайни алава яз М. М. Бабаеван, Г. М. Гьажиагьмедован ва З. А. Гьажимирзоеван личный делойра муниципальный къуллугъдал кьабулайдалай вилик квай йисуз атай къазанжийрикай, эменнидикай ва эменнидин къайдадин мажбурнамайрикай делилар авач.
Закондин 16-статьядин 3-частунин 6-пункт, Указдин 16-частунин «х, ч» пунктар чIурун яз мажбури пенсионный страхованидин, агьалийрин мажбури медицинадин страховой полисдин, гражданский гьалдин государственный регистрациядин шагьадатнамадин копияр авач.
Тухвай ахтармишунин нетижада муниципальный къуллугъдин гьакъиндай законар чIурун арадай акъудун патал хуьрерин поселенийрин кьилерин тIварцIихъ представленияр ракъурнава.
