2010-йисуз россиявийри февралдиз ва ноябрдиз кьуд юкъуз галаз-галаз ял яда -февралдин 20-далай 23-дал кьван, ноябрдин 4-далай 7-дал кьван. Россиядин Гьукуматди 2010-йисуз ял ядай йикъар киш йикъалай -27-февралдилай ислендал - 22-февралдал ва киш йикъалай - 13-ноябрдилай жуьмядал - 5-ноябрдал хутахдай къарар кьабулнава.
«2010-йисуз ял ядай йикъар маса йикъарал хутахунин гьакъиндай» гьукуматдин къарардал РФ-дин премьер-ми¬нистр Владимир Путина къул чIугунва. Ял ядай йикъар маса вахтунал хутахунин макьсад «къуллугъчийри ял ядай ва кIвалахдинбур тушир суварин йикъар хийирлудаказ ишлемишдайвал» авун я.
Гьа са вахтунда ЦIийи йисан рухсатриз талукь месэла гьелелиг ачухди яз амазма, кхьизва «Россиядин газетди». Зегьметдин кодексдин бинедаллаз, абур 1 -далай 10-январдалди давам хьун лазим я. Амма декабрдиз Госдума «Гьахълу Рос¬сия» фракциядин законопроектдиз (ам Зегьметдин кодексдин 112-статьядик туькIуьр хъувунар кухтуниз талукь я) килигдайвал я - ина Гатфарин ва Зегьмет¬дин майдин суварихъ ял ядай югъ гилиг хъувун патал ЦIийи йисан рухсатар са йикъан тIимиларун теклифнава. Идалайни гъейри, ял ядай югъ яз 5-январь ваъ, 31-декабрь малумарун теклифнава.