Россиядин монополийриз акси къуллугъ (ФАС) уьлкведин са жерге регионра дарманрин къиметар хкаж хьунин гьакъиндай малуматар ахтармишунал машгъул хьанва. ПРАЙМ-ТАСС-ди хабар гузвайвал, идакай и йикъара Вашингтонда авай ФАС-дин кьил Игорь Артемьева ха¬бар гана.
«Чна дарманрин базар гьар юкъуз ахтармишзава, -лагьана ада. - Заз чизвайвал, са жерге регионра къиметар хкаж хьанва, гьаниз килигна чна серенжемар кьабулзава. Чун ахтармишунив эгечIнава».
ПРАЙМ-ТАСС- ди рикIел хкизвайвал, алатай гьафтеда РФ-дин Гьукуматдин Председатель Владимир Путина ФАС-диз ва Генпрокуратурадиз дарманар ва азардикай хуьдай маса шейэр маса гузвайбуру цIийи жуьредин гриппдин тIегъуьн пайда хьуникай чпиз хийир хкуд тавунал гуьзчивал авун ва эгер дарманрин къиметар кьадардилай гзаф артухарнавай дуьшуьшар малум хьайитIа, уголовный делояр къарагъарун тапшурмишнава.
Гьа са вахтунда официальный медицинади датIана тикрарзавайвал, алай вахтунда пайда хьанвай цIийи жуьредин гриппдикай кичIе жедай кар авач. Месе¬ла, РАН-дин СО-дин химический биологиядин ва фундаментальный медицинадин Институтдин директор Валентина Власовади гьисабзавайвал, алатай йисарин вирусрив гекъигайла, HINI вирусди са кьадардин гзаф кьиникьрал гъайи кар авач.
Идалайни гъейри, кьиле тухвай хабарар кьунрин нетижайри къалурзавайвал, 30 процент россиявийри цIийи вирус - им къурху хьанвай халкьдивай пул къакъудун патал фармацев-тикадин компанийри авунвай савда яз гьисабзава. «ВакIарин грипп - им чпин вакцинаяр халкьдиз гужуналди маса гуз кIанзавай фармацевти¬кадин компанийрин кьилиз атанвай азар я», - баянар гузва россиявийри. Виридалайни гзаф ихтибарсузвал къалу-райбур итимар (27 процент дишегьлийрин чкадал - 32 процент), гьакIни чпин яшар 55 йисалай алатнавай агьалияр (36 процент) яз хьана.
Муькуь патахъай, 50 процент россиявияр А (НINI) вирус иллаки хаталу тирдахъ инанмиш я.
