Малум тирвал, 21-ноябрдиз РФ-дин налогрин органрин работникрин югъ къейд ийида. Идахъ галаз алакъалу яз чун Россиядин ФНС-дин ДР-да авай 2-нумрадин МРИ-дин руководителвилин везифаяр тамамарзавайди тир Гьасанов Марат Сабировичахъ (шикилда) галаз гуьруьшмиш хьана. Чна адавай вичи регьбервал гузвай коллективди чпин пешекарвилин сувар кIвалахда гьихьтин нетижаяр аваз къаршиламишзаватIа суьгьбет авун тIалабна. Агъадихъ чна адан суьгьбет гузва.
- Кьасумхуьрел алай Россиядин ФНС-дин Дагъустан Республикада авай 2-нумрадин МРИ-ди Сулейман-Стальский, Кьурагь, Агъул ва Хив районриз къуллугъзава. Санлай къачурла, ам 11 отделдикай ибарат я. КIвалахзавай пешекаррин кьадар 65-дав агакьзава.
МРИ-ди федеральный, республи-кадин ва чкадин бюджетриз пулар кIватIунин рекьерай кIвалах тухузва. И рекьерай тайин нетижаярни къазан-мишзава. Мисал яз, 2008-йисуз райондай республикадин консолидированный бюджетдиз 59972 агъзур манат пул кIватIун таъминарна, яни план 110 процентдин кьилиз акъудна. Райондин бюджетдиз план тир 23828 агъзур манатдин чкадал 33416 агъзур манат пул кIватIна.
2008-йисуз, са чилин налог квачиз, амай вири рекьерай планар артухни алаз кьилиз акъудна.
Районда вахт-вахтунда налогар гузвай карханаяр, идараяр, хуьрерин поселениярни ава. ИкI, « Рычал-су» ОАО-ди 2008-йисуз 5395,0 агъзур, алай йисан 9 вацра 4697,0 агъзур манат налогар гана.
«Даркуш» ОАО-ди, «Ашагасталь-ский» ЗАО-ди, «Кьасумхуьруьн СМУ» ООО-ди, райондин рекьерин 32-нумрадин карханади, «село Куркент», «село Даркуш», «село Ашагасталь», «село Ново-Мака», «село Цмур» хуьрерин поселенийри налогар вахт-вахтунда гузва.
Алай йисан 9 вацра ДР-дин консо-лидированный бюджетдиз, план 44521 агъзур манат яз, 42634 агъзур манат, райондин бюджетдиз, план 19454 агъзур манат яз 18824 агъзур, республикадин бюджетдиз, план 25067 агъзур манат яз, 23810 агъзур манат пул атана.
Къейд авун лазим я хьи, 2008-йисан 9 вацрав гекъигайла алай йисан 9 вацра бюджетдилай къецяй тир фондариз пулар атун 111, федеральный бюджетдиз 128, республиканский бюджетдиз 112 ва чкадин бюджетдиз 120 процентдин артух хьана.
Муниципальный образованийрикай чилерин налогар гунин рекьерай АгъастIалрин, ДаркIуш-къазмайрин, Кьасумхуьруьн, Курхуьруьн ва Эминхуьруьн администрацийри планар артухни алаз кьилиз акъудна.
2009-йисуз чкадин бюджетдиз чилерин налог яз 2337 агъзур манат кIватIун планламишнава. Алай йисуз чилерин кадастровый къимет хкажунихъ галаз алакъалу яз тайинарнавай тапшуругъ 100 процентдин кьилиз акъудда.
Сад тир хуьруьн майишатдин налог 165 агъзур манатдин кьадарда аваз кIватIун планламишнава. Им алатай йисуз кIватIайдалай 2 сеферда артух я.
Физический ксарин эменнидилай гузвай налогрин планар АгъастIал-рин, ДаркIуш къазмайрин, Курхуь-руьн, Уллу Гъетягърин, Эминхуьруьн, Цмуррин муниципальный тешки-латри кьилиз акъуднава.
МРИ-дин коллективди феде-ральный, республикадин ва чкадин бюджетриз налогар кIватIун патал еке кIвалах тухузва. И кардик гзаф пешекарри, гьа жергедай яз Ю.А. Юзбегова, А.С. Садикьова, Р.А. Гьажиева, К.Б. Жамалдинова ва масабуру еке пай кутазва.
Чи райондин газетдикай менфят къачуналди, заз налоговый инспек-циядин вири коллективдиз пешекар-вилин суварин Югъ мубарак ийиз кIанзава. Къуй квехъ чандин мягькем сагъвал, хзанра бахт, берекат ва куь хивевай жавабдар кIвалахда агалкьу-нар хьурай.
-Метлеблу суьгьбет авунай чух-сагъул.
Чазни куь коллективдиз пеше-карвилин сувар мубарак ийиз кIанза-ва. Квехъ куь жавабдар кIвалахда агалкьунар хьун чи мурад я.
- Чухсагъул.
