И йикъара, милициядин работникрин пешекарвилин суварин вилик чи махсус корреспондент РОВД-дин начальникдин заместитель, общественный хатасузвилин милициядин начальник, милициядин майор Сакаржаев Халид Абдуразакьовичахъ галаз гуьруьшмиш хьана ва адавай РОВД-дин работникар чпин суварин вилик гьихьтин нетижаяр аваз къвезватIа суьгьбет авун тIалабна. Агъадихъ чна адан суьгьбет гузва.
Куьруь справка: Х. А. Сакаржаев I976-йисуз Эминхуьре хана. Хуьруьн юкьван школа акьалтIарна. 1994-йисуз РФ-дин МВД-дин Волгограддин высший школадиз кIелиз фена. Анаг кIелна акьалтIарайдалай гуьгъуьниз Каспийскда, Буйнакскда, Къарамахида, Мегьарамдхуьре РОВД-ра жуьреба-жуьре къуллугърал кIвалахна. Алай вахтунда чи РОВД-да МОБ-дин начальник я. Адахъ хзан ава, 2 хва тербияламишзава.
- Алай йисакай алатнавай 9 вацран гьахъ-гьисабдин девирда чна къуллугъзавай райондин сергьятда 108 тахсиркарвал регистрация авунва. Им алатай йисан гьа и вахтунив гекъигайла 7 дуьшуьшдин, яни 6,1 процентдин тIимил я. Абурукай 91 тахсиркарвал ачухарнава.
Залан ва акьалтIай залан 26 тахсиркарвал хьанва. Алатай йисуз и девирда ихьтин 42 тахсиркарвал регистрация авунай, яни цIи 16 дан тIимил хьанва. Абурукай 20 тахсиркарвал ачухарнава.
Гьахъ-гьисабдин и девирда умуми уголовный метлебдин 86 тахсиркарвал хьана. Шаз 85 хьанай. Абур ачухарун алатай йисан 67 дан чкадал цIи 75 хьана, яни 8 дуьшуьшдин гзаф хьана.
Гьа жигьетдай яз абурукай залан ва акьалтIай залан тахсиркарвилер шазан 25 дан чкадал цIи 18 хьана, яни 7 дуьшуьшдин тIимил хьанва. Абурукай 13 ачухарна.
Криминальный милициядин рекьяй шазан 52 дан чкадал цIи и девирда 56 тахсиркарвал регистрация авуна, яни 4 дан артух хьана. Абурукай алатай йисан 38 дан чкадал 47 ачухарнава.
МОБ-дин (милиция общественной безопасности) рекьяй и девирда шазан 33 дан чкадал цIи 30 тахсиркарвал хьанва, яни 3 дан тIимил хьана. Абур ачухаруни 100 процент тешкилзава.
Гьахъ-гьисабдин девирда райондин сергьятда къастуналди кьиникьин 2 дуьшуьш хьана. Шаз ихьтин са тахсиркарвал хьанай. И девирда инсандин бедендиз залан хасаратвилер хьунин 3 тахсиркарвал регистрация авуна. Шаз ихьтин 2 дуьшуьш хьанай.
Алатай йисан и девирда хьайи 16 дан чкадал цIи чарадан эменни чуьнуьхунин 23 дуьшуьш хьана. Вири и тахсиркарвилер ачухарнава.
Гьа жигьетдай яз:
Шей къакъудунин, шаз хьиз, 3 дуьшуьш, алдатмишунин 13 тахсиркарвал хьана. Яни алатай йисав гекъигайла 9 дан тIимил хьана. Абур вири ачухарнава.
Инсанар кьиникьал атунин автоаварийрин 3 дуьшуьш хьана. Шаз и девирда ихьтин 2 дуьшуьш хьанай. Шазан 5 дан чкадал алай йисан и девирда законсуз яракь маса гунин са дуьшуьш хьана. Автомашин гваз катунин са дуьшуьш хьана, гьамни ачухарнава.
НОН-дин рекьяй и девирда гьа шаз хьиз, 10 тахсиркарвал хьана, абур вири дуьздал акъудна. Яракь ишлемишуналди 3 тахсиркарвал авуна. Абур вири ачухарнава.
Шазан и вахтунда хьайи 30 дан чкадал экономикадин месэлайрихъ галаз алакъалу тир 22 тахсиркарвал регистрация авунва. Абурукай 16 тахсиркарвал ачухарнава. Абурукай яз шазан 17 дан чкадал залан ва акьалтIай залан 8 тахсиркарвал авуна.
Криминальный милициядин рекьяй шазан 25 дан чкадал 13, МОБ-дин рекьяйни 9 тахсиркарвал хьана. Им алатай йисав гекъигайла 4 дан артух я.
Дознанидай
Гьахъ-гьисабдин девирда дознавателрив шазан 23 дан чкадал производствода авай 33 уголовный дело гвай. Абурукай 24 уголовный дело куьтягьна, суддиз рекье туна.
ОДУУМ-дин рекьяй
Шазан 31 дан чкадал цIи и девирда УУМ-дин инициативадалди 43 тахсиркарвал дуьздал акъудна.
Абур ачухарунин юкьван гьисабди 54,8 процент тешкилна. Республикада санлай кьурла и рекъемди 41,1 процент тешкилзава.
2009-йисан гьахъ-гьисабдин девирда 21 кас абурухъ галаз профилактикадин кIвалах тухунин учетдал эцигна. Абурукайни 12 кас виликдай судди жаза ганвайбур, азадвиликай магьрум авуна ракъурнавай чкайрай хтанвай ва гьакIни шартIунин дустагъ атIанвай 9 кас.
Гьахъ-гьисабдин девирда ОВД-да профилактикадин учетда 419 кас ава. Абурукайни 221 кас виликдай судди жаза ганвайбур, 79 кас шартIунин дустагъ атIанвайбур, 15 кас ваххабитар, 30 кас хронический пиянискаяр, 27 кас наркоманар, 6 кас психический начагъбур ва 18 касни хзанра къал акъудзавайбур.
Гьахъ-гьисабдин девирда агьалийрилай атай 176 арзадиз килигна, гьа жигьетдай яз хзанрин алакъайрин гьакъиндай 59 арзадиз.
ОГИБДД-да
Алатай йисан и вахтунив гекъигайла 650 дан чкадал цIи ГИБДД-дин рекьяй административный къайдаяр чIурунин 691 дуьшуьш малум хьана. Абурукайни 43 кас рулдихъ ички хъвана ацукьнавай водителрин гьакъиндай кхьенвай административный протоколар я.
И девирда шазан 12 дан чкадал рекьера улакьар авариядик акатунин I4 дуьшуьш хьана. Абура 4 кас кьена, 20 касдал хирер хьана.
И девирда ОГИБДД-дин сотрудникри 4 тахсиркарвални дуьздал акъудна.
ОБППРИАЗ-да
Йисакай алатай 9 вацра анин инспекторри са тахсиркарвал дуьздал акъудна. Алатай йисан и девирдив гекъигайла 28 дан чкадал цIи 41 административный протокол кхьена. Гьа са вахтунда потребительский рынокдин къурулушда тахсиркарвилер ачухарунин ва гьакIни профилактикадин кIвалах гужлу авун патал отделдин маса подразделенийрихъ ва СМИ-рихъ галаз кIвалах гужлу авуна кIанда.
ИВС ва конвойный отделениеда
Гьахъ-гьисабдин девирда РОВД-дин ИВС-да 122 кас хьана. Суддиз 124 кас дустагъда ацукьарнавайбур конвой галаз рекье туна. Абурукай катунин дуьшуьшар хьанач.
ОППСМ-да
И девирда ОППСМ-дин сотрудникри кIвалин къушар чуьнуьхунин ва канабар битмишарунин 2 тахсиркарвал дуьздал акъудна. 27 административный тахсиркарвилер дуьздал акъудна, абурукайни 7 ички хъванваз улакьар идара авунай. Жуьреба-жуьре къайдаяр чIурунай ОВД-диз 26 кас агакьарна.
ОППСМ-ди «СКПО», «Арсенал», «Розыск», «Подучетный», «ГСМ», «Мак-2009», «Внимание, дети!», «Пассажир», «Маршрутка» операцийра активвилелди иштиракна.
Санлай РОВД-дин коллектив чпин пешекарвилин суварик уьзуьагъ яз атанва. Мумкинвиликай менфят къачуналди, заз милициядин вири работникриз, ветеранриз милициядин Югъ рикIин сидкьидай мубарак ийиз кIанзава. Къуй квехъ виридахъ чандин мягькем сагъвал, хзанра бахт, берекат, кIвалахдани агалкьунар хьурай, играмибур!
