26-октябрдиз муниципальный райондин администрациядин нубатдин заседание хьана. Адан кIвалахда райондин администрациядин управленийрин, отделрин руководителри, хуьрерин поселенийрин кьилери, организацийрин руководителри, теклифнавай маса юлдашри иштиракна. Заседание райондин администрациядин Кьил Штибег Гьажимегьамедович Мегьамедханова ачухна ва кьиле тухвана.
Анал алай месэладай – «Налогар кIватIунин рекьяй районда авай гьалдин гьакъиндай» - Дагъустан Республикада авай Россиядин ФНС-дин МРИ-дин руководителдин заместитель А. А. Агьмедова информация авуна.
Заседанидал гьялзавай месэладай анал чпин фикирар Герейхановский поселенидин кьил А. Гьажимегьамедова, райадминистрациядин экономикадин управленидин начальник Р. Муталибова, райондин образованидин управленидин начальник Ж. Асланова лагьана.
Эхирдай заседанидал гьялай месэладай талукь къарар кьабулна.