Ингье, зулун кьвед лагьай варз тир октябрни алукьна. Сентябрдин вацран эхиримжи йикъар гзаф къвалар, къайивилер гваз атуникди гзафбуру октябрдин варз гьихьтинди жедатIа лугьуз хабарар кьазва.
Дагъустандин гидрометцентрдин начальник Петр Поставика хабар гузвайвал, юкьван гьисабдалди октябрдин вацра 12-16 градус чимивал жеда, дагълух районра ада 9-11 градус тешкилда. Алатай гзаф йисар фикирдиз къачуртIа им 1-2-градусдин гзаф я. Агъуз тир температура вацран кьвед лагьай паюна жеда. Йифен вахтара 0-3 градусдин мекьивилер жеда. Юкъуз чимивили 6-11 градус тешкилда, дагълух районра лагьайтIа 0-5 градус чимивал, йиферани 1-6 градус мекьивал жеда. Кьилдин йикъара гьавадин температура 24-29 градусдихъ агакьна, дагълух районра 19-24 градус чими жеда.
Къвалрин кьадар гзаф йисарин къалурунрив гекъигайла нормадилай гзаф жеда. Къейд ийиз кIанзава хьи, юкьван норма чи республикада 20-50 миллиметр я, дагълух районра лагьайтIа 25 далай 60 миллиметрдал кьван.
Марфар къвадай йикъар квачиз, санлай кьурла, октябрдин варз хуьруьн майишатдин кIвалахар кьиле тухун патал (яр-емиш кIватI хъувун ва зулун тумар цун) къулай шартIаринди жеда.
(«ДАГПРАВДА» газетдай)
