И йикъара чи хсуси корреспондент РОВД-дин следственный отделдин старший следователь юстициядин майор Эседуллаев Арсен Эседуллаевичахъ галаз гуьруьшмиш хьана ва адавай алай вахтунда уьлкведа хцидаказ вилик акъвазнавай ва кIевелай гъиле кьунвай коррупциядихъ гьукуматдин эменни чуьнуьхунихъ галаз женг тухунин жигьетдай и отделдин кIвалахдикай, кьабулзавай серенжемрикай суьгьбет авун тIалабна.
Агъадихъ чна адан суьгьбет гузва.
Куьруь справка: Эседуллаев Арсен Эседуллаевич 1978-йисуз Дербент райондин Белиж поселокда дидедиз хьана. Юкьван школа, гуьгъуьнлай Россиядин МВД-дин Краснодарский юридический институт агалкьунралди акьалтIарай жегьил пешекар чи райондин къенепатан крарин отделдиз кIвалахал рекье туна. Сифте силисчи яз кIвалах авур ада алай вахтунда анин следственный отделдин старший следователвилин жавабдар къуллугъ кьиле тухузва. Хзан ава.
- Чи отделда (начальник юстициядин майор Абакаров Ражидин Гьажирамазанович) вири 7 касди кIвалахзава. Чна, алай девирдин истемишунар фикирдиз къачуналди, чи кIвалах мадни гужлу ва нетижалуди авун патал кIевелай чалишмишвалзава. Дурумлу кIвалахди аквадай нетижаярни арадал гъизва. Коррупциядихъ, гьукуматдин эменнидал гъил яргъи авунихъ галаз алакъалу тир са шумуд тахсиркарвал дуьздал акъудна, тахсиркаррилай уголовный делояр къарагъарнава, талукь жазадив агакьарун патал абур райондин суддиз рекье тунва.
И жигьетдай яз, заз газет кIелзавайбурун фикир РФ-дин УК-дин 199-статьядин 2-паюнин «б» пунктуна къалурнавай тахсиркарвиляй тахсиркар яз гьисабзавай Мегьамедов Сакрат Алаудиновичан гьакъиндай къарагъарнавай уголовный делодин материалрал желб ийиз кIанзава.
ИкI, вич 2000-йисуз РФ-дин УК-дин 327-статьядин 2-паюна ва 285-статьядин 1-паюна, 159-статьядин 2-паюна тайинарнавай тахсиркарвилерай суддин вилик ацукьай Мегьамедов Сакрат Алаудиновича лазим нетижа хкуднач ва ам дуьз рекьел хтанач.
С. А. Мегьамедова къуьл ва мух маса гунихъ галаз алакъалу тир карчивилин кIвалах кьиле тухунин мураддалди 2007-йисан 20-мартдиз агъадихъ галай юридический адресда (ДР, Сулейман-Стальский район, Кьасумхуьр, Ислягьвилин куьче, 17 «а») сергьятламишнавай жавабдарвал авай Северо-Кавказское агропромышленное универсальное общество «Регион-Юг» регистрация авуна ва ДР-да авай Россиядин ФНС-дин 2-нумрадин МРИ-да налоговый учетда эцигна.
И карханадин Уставдихъ ва 1996-йисан 21-ноябрдиз 129-ФЗ нумрадик кваз кьабулай «О бухгалтерском учете» РФ-дин Федеральный Закондин 6-статьядихъ галаз кьадайвал, СКАУ «Регион-Юг» ООО-дин руководитель С. А. Мегьамедован хиве бухгалтерский учет, отчетность тухун тешкилунин жавабдарвал ава ва ам хозяйственный операцияр кьиле тухудайла законодательстводал амал авун таъминаруниз мажбур я. Организациядин финансринни майишатдин кIвалах тешкилунин жавабдар яз РФ-дин НК-дин 8 –кьиле къейднавай нормайрихъ галаз кьадайвал, С. А. Мегьамедова, РФ-дин налоговый законодательствода тайинарнавай къайдада, талукь тир бюджетдиз гана кIанзавай налогар вичи-вичиз гьисаб кьуна гун лазим тир.
2007-йисан 17-январдилай 2007-йисан 18-сентябрдалди вирибур патал тайинарнавай налогар гунин къайдада аваз С. А. Мегьамедова налог гана кIанзавай пай ДР-да авай ФНС-дин 2-нумрадин МРИ-диз отчетар гудайла декларацийра кьадарар тIимил къалуруналди ганва.
И къалурнавай девирда СКАУ «Регион-Юг» ООО са жерге юридический лицойрихъ галаз финансринни юридический алакъайра хьана. Санлай кьурла 624335201 манатдин кьадарда аваз, гьа гьисабдай яз 10 ва 18 процентдин ставкадай НДС-ни кваз.
Маса ганвай къуьлуьн ва мухан гьакъи тир 624335201 манат, гьа гьисабдай яз 10 ва 18 процентдин ставкадай НДС-ни кваз абуру платежный порученийралди СКАУ «Регион-Юг» ООО-дин 40702810560220101627 нумрадин расчетный счетдиз пул янава.
2007-йисан 17-январдилай 18-сентябрдалди СКАУ «Регион-Юг» ООО-дин руководителди 10 ва 18 процентдин ставкадай 57131674 манатдин кьадардин НДС декларировать авун лазим тир.
Гьа са вахтунда НДС лазим кьадарда аваз декларировать авунач, агъузарна, тапан делилар гана. Яни налог гана кIанзавай кьадар 67500 манат къалуруналди, федеральный бюджетдиз НДС яз 57131674 манат пул ганач, им еке кьадарда аваз пул тагун жезва. ИкI, ада РФ-дин УК-дин 199-статьядин 2-паюнин «б» пунктуна тайинарнавай тахсиркарвал авуна.
Уголовный дело суддиз рекье тунва.
Мад ихьтин са уголовный дело.
2009-йисан февралдин ва мартдин варцара ЦIийи Макьарин почтадин алакъадин отделенидин начальник яз кIвалахзавай З. М. Мегьамедова, вичин къуллугъдин мумкинвилерикай менфят къачуналди, райондин кьилинди тир Кьасумхуьруьн почтамтдиз виликамаз пулунин такьатар гунин гьакъиндай отчетар агакьаруналди, Кьасумхуьруьн почтамтдин ОПС-дин кассадай вичел ихтибар авунвай 80369 манатни 59 кепек, йисни зур тамам жедалди яшда авай аялрихъ гелкъуьнай пособия яз гузвай 172714 манатни 84 кепек пул, аял хайила санал пособия яз гузвай 72976 манатни 9 кепек такьатар, аялдиз гьар вацра гузвай пособия тир 100020 манат, яшайишдинни коммунальный къуллугърай гузвай 6I522 манат пул чуьнуьхна вичин менфятдиз ишлемишна.
Вичин гьерекатралди З. А. Мегьамедова винидихъ къалурнавай девирда Кьасумхуьруьн почтамтди вичел ихтибар авунвай вири санлай кьурла 487602 манатни 52 кепек пул чуьнуьхна.
ИкI, З. М. Мегьамедова вичин къуллугъдин мумкинвилерикай менфят къачуналди вичел ихтибар авунвай еке кьадарда авай эменни чуьнуьхуналди, яни вичин менфятдиз серф авуналди, РФ-дин УК-дин 160-статьядин 3-паюна къалурнавай тахсиркарвиляй тахсиркарвал авуна.
Уголовный дело къарагъарнава ва суддиз рекье тунва. Абур РФ-дин Законрин бинедаллаз чпи авунвай тахсиркарвилерай талукь жавабдарвилиз чIугвадайдал са шакни алач. Ша чна гьар сада РФ-дин ва ДР-дин Законрал ва истемишунрал амал ийин, жуван гъиле ава лагьана невс ахъа тийин. Заз жуван суьгьбет чи чIехи шаир ва камалэгьли СтIал Сулейманан шиирдин цIараралди акьалтIариз кIанзава.
