Райондин руководстводи хуьрера, общественный чкайра, рекьерин къерехра михьивилер хуьн, анагар аваданламишун патал еке кIвалах тухузва.
Гьайиф хьи, са бязи руководителар, пешекарар тахсирлу яз и рекьерай кимивилерни ама. Мукьвара зун Сийидрин, Алкьвадрин хуьрериз, Курхуьрел фенвай. Курхуьрелай винелди физвай ва хуьруьз гьахьзавай рекьер чара жезвай чкадал зил-зибилдин еке кIунтI (сад лагьай шикилда) арадал атанвай. Анал гьалтай хуьруьнвийри чаз лагьайвал, кIватIнавай зил-зибил тухвана тайинарнавай чкадал гадардай машин авач.
Сийидрин хуьруьн юкьвай фенвай асфальт цанвай рекье яд гьатнава (кьвед лагьай шикилда). Чаз малум хьайивал, рекье яд мукьвал-мукьвал гьатзава. Ида рехъ чIурзава.
Мумкин я ибур са бязи ксари куьлуь-шуьлуьяр яз гьисабун. Талукь ксари и кимивилер арадай акъуднайтIа хъсан жедай.