Кьуьд жив авайди хьайитIа, къуьлуьн бегьер гзаф жеда.
***
Жив деринда аваз хьайитIа, къуьлуьн кьилер кьакьанбур ва бегьерлубур жеда.
***
Йифиз ва я экуьнахъ зайиф гар кваз жив къваз хьайитIа, нисинин вахтунда рагъ экъечIда.
***
Нагагь иви экъичай хьтин ярар яна, гьа и жуьредин ранг алай рагъ экъечIиз хьайитIа, юкъуз са арадилай живедин тIурфан акъатда.
***
ХъуьтIуьн сифте кьиляй ламу жив къваз ва цIраз хьайитIа, гатфар фад алукьда. Беневша цуьквер адетдиндалай фад экъечIда.
***
Пехъери санал кIватI хьана, гьарайиз хьайитIа, къаяр жеда. Нагагь абуру цава санал кIватI хьана, чархар язаватIа, жив къвада, гьа и тегьер чилел санал ацукьнаватIа, гьава хъуьтуьл жеда.
***
Эгер пехъер тарарин агъада авай хилерал ацукьнаватIа, гар гуьзлемиша.
***
Нагагь цава авай цифер гарун къаршидиз къвезватIа, жив къвада.
***
Рагь циферик экечIзаватIа, пилте-пилте живер къвада.
***
Ракъинин къерехар чилин цифедиз ухшар цифери кIевнаватIа, тIурфан акъатун мумкин я.