«Зеленая Россия» - районда
«Зеленая Россия» тIвар алай Вирироссиядин общественный гьерекатдин теклифдалди «Лес Победы» акция давамарун яз алай йисан 29-августдиз районда экологиядин субботник тухвана.
Аниз районда авай федеральный, республиканский ва муниципальный къуллугърин, организацийрин зегьметчи коллективар, райондин администрациядин къуллугъчияр, кьилдин карчияр, туьквенрин иесияр, хуьрерин агьалияр – санлай 3000-далай виниз инсанар экъечIна. Абуру чпин идарайрин патарив гвай чкаяр, рекьерин къерехар, куьчеяр, цин хуьлер, паркар къайдадиз гъана, анагар зирзибилдикай михьна, аваданламишунин кIвалахар тухвана, къелемриз яд гана.
Муниципальный райондин Кьил Нариман Шамсудинович Абдулмуталибов кьиле аваз администрациядин аппаратдин работникри 25-нумрадин пожарный частунин территориияда ва адан патарив гвай чкайра къайда туна.
Хазран Кьасумов.
Шикилда: агьалияр субботникда.
11.09.2015
Адрес статьи: http://old.suleiman-stalskiy.ru/?com=articles&page=article&id=6524