Курхуьруьн 2-нумрадин юкьван школада цIийи кIелунин йис башламиш хьуниз талукьарна тухвай линейкадал школадин директор Н. Алхасова, директордин заместитель Гь. Шихбабаева алатай кIелунин йисуз школадихъ хьайи нетижайрикай, аялри районда тухвай олимпиадайра, конкурсра, спортдин акъажунра къазанмишай агалкьунрикай гегьеншдиз суьгьбетна.
Мярекатдал тебрикдин гафар гваз райондин администрациядин векил А. Альдеров, завуч Э. Абдулазизов, муаллим Р. Набиев рахана, школьникри манияр лагьана, кьуьлер авуна.
1-классдин ученик Р. Рустамова ва 11-классдин ученица Р. Эседулаевади сифте зенг яна, 120 аялди партайрихъ чкаяр кьуна, школада цIийи кIелунин йис башламишна.
Райсудин Набиев, муаллим, журналист.