Алай йисан 17-августдиз райондин администрациядин заседанийрин залда «Сулейман-Стальский район» муниципальный райондин депутатрин Собранидин 31-заседание хьана. Адан кIвалахда администрациядин управленийринни отделрин начальникри, къуллугъринни общественный тешкилатрин руководителри, хуьрерин поселенийрин кьилери, Собранидин депутатри, гьялзавай месэлайрихъ галаз алакъалу къуллугърин пешекарри, райондин СМИ-рин векилри иштиракна.
Заседание муниципальный райондин Кьил, депутарин Собранидин Председатель Нариман Шамсудинович Абдул-муталибова ачухна ва кьилени тухвана.
Заседанидал агъадихъ галай месэлайриз килигна:
1. 2015-йисан ва 2016-2017-йисарин пландин девирда «Сулейман-Стальский район» муниципальный райондин бюджетда дегишвилер тунин гьакъиндай.
2. «2015-2020-йисара Сулей-ман-Стальский муниципальный районда туризм вилик тухун» муниципальный программа тестикьарунин гьакъиндай.
3. «Сулейман-Стальский райондин администрациядин патав яш тамам тахьанвайбурун крарай ва абурун ихтиярар хуьнин рекьяй комиссиядин Положение тестикьарунин гьакъиндай.
4. Муниципальный райондин чкадин метлеб авай месэлаяр гьялунин рекьяй кьилдин векилвилер хуьрерин поселе-нийрин администрацийрив вахкунин гьакъиндай.
5. «Сулейман-Стальский район» муниципальный районда 2015-2017-йисара гъвечIи ва юкьван карчивал вилик тухун» муниципальный программа тестикьарунин гьакъиндай.
Заседанидал алай 1-месэладай финансовый отделдин начальник М. Т. Рагьимова, 2-месэладай культурадин отделдин начальник М. Б. Бабаханова, 3-месэладай яш тамам тахьанвайбурун крарин рекьяй комиссиядин секретарь М. А. Аминова, 4 ва 5-месэлайрай экономикадин ва финансрин рекьяй администрациядин Кьилин заместитель С. М. Темирханова информацияр авуна.
Вири месэлайрай къарарар кьабулна.
Нариман Шамсудинович Абдулмуталибова заседанидал килигай вири месэлайрин важиблувал къейдна, заседанидин нетижаяр кьуна.