Курхуьруьн 2-нумрадин юкьван школада (директор Н. Алхасов) кьиле фейи муаллимринни техработникрин совещанидал ремонтрин вири кIвалахар коллективди вичин харжийралди ва къуватралди кьилиз акъудунин къарар кьабулна. Школада ремонтрин кIвалахривни тешкиллувал аваз эгечIна. Икьван чIавалди полриз, рак-дакIариз, столризни стулриз ширер яна, киреждик квай чкаяр асунна, чIаланни литературадин, биологиядин, технологиядин ва маса кабинетар, пищеблок, электричестводинни чимивал гудай линияр къайдадиз гъана акьалтIарнава.