Къазиханов Сагид ЦIийи поселокдин юкьван школадин 7-классдиз акъатнава. Хъсан къиметар аваз кIелунилай гъейри, ам самбодал ва азаддаказ кьуршахар кьунал машгъул жез 6 йис я. Жаван спортсмендихъ районда тухузвай спортдин акъажунра хъсан нетижаярни жезва. ИкI, алай йисуз С. Къазиханова райондин кIвенкIвечивал патал, гьакIни школьникрин спартакиадада самбодай тухвай акъажунра 38 килограммдин заланвиляй 1, 2003-2005-йисара дидедиз хьайи жаванрин арада, райондин школьникрин арада тухвай 57-спартакиадада азаддаказ къуршахар кьунай 2 ва 3-чкаяр кьуна.
Сагид Къазиханов районда тухвай хейлин маса турниррин призерни я.