12-апрелдиз Виридуьньядин авиациядин ва космонавтикадин югъ къейд ийизва. Идаз талукь яз культурадин маканра, школайра ва маса организацийра жуьреба-жуьре вечерар, викторинаяр ва маса мярекатар тухун адетдиз элкъвенвай кар я. ИкI, 12-апрелдиз Кьасумхуьрел кардик квай «Хзанриз ва аялриз социальный рекьяй куьмек гудай центр» государстводин казенный карханада (ГКУ-да) «Алемдиз сиягьат» лишандик кваз мярекат кьиле тухвана. Реабилитациядин отделениди тешкилай мярекатда и центрада чпин сагъламвал мягькемарзавай 25 аялди, отделенидин пешекарри, аялрин диде-бубайри иштиракна.
Мярекатдин программадик жуьреба-жуьре къугъунар, конкурсар, мискIалар ва шиирар кIелунар квай. Анра аялрин куьмекдалди гьазурнавай аквадай агитациядин такьатар, космонавтрин портретар ишлемишна. Викторинайра, къугъунра аялри активвилелди иштиракна, абуру шиирар кIелна, манияр лагьана.
Центрадин алава образованидин педагог Ж.Рагьметуллаевади, духтур-педиатр С.Къазанбеговади, пешекарар тир Ф.Эфендиевади, М.Османовади космонавтикадин йикъакай, косманав-трикай авур суьгьбетрини мярекатдин иштиракчийриз екез таъсир авуна.
Тафаватлу хьайи аялриз мяре-катдал пишкешар ва призарни гана.
Са рахунни алачиз, «Путешествие в космос» мярекат аялар патал менфятлуди хьана.
Джульетта Рагьметуллаева, «ЦСПСД-дин» ГКУ-дин алава образованидин педагог