Са кьадар яшариз акъатайла, гьар са касдин сагъламвал зайиф жеда. Ихьтин инсанриз кIанзавайди чпиз гьуьрмет авун, гуьгьуьл къачун я.
Мукьвара «Сулейман-Стальский район» муни-ципальный райондин Кьил Нариман Шамсудинович Абдулмуталибов, А. А. Тахо-Годидин тIварунихъ галай педагогикадин илимдинни-ахтармишунрин институтдин директор, Дагъустан Респуб-ликадин Халкьдин Собра-нидин депутат, Гьамидуллагь Исмаилович Мегьамедов, райондин администрациядин жавабдар са жерге работ-никарни галаз, вичин патав атуни Герейханован хуьре яшамиш жезвай зегьметдин ветеран, 91 йис яш хьанвай Александра Ефимовна Варакина кьадар авачир кьван шадарна.
Яргъал тир 1953-йисуз кьадар-кьисметди А. Е. Варакина Герейханован хуьруьз акъудна, яргъал йисара ада банкрин ва рай-потребкооперациядин хилера кIвалахна, вичиз гьуьрмет-авторитет къазанмишна.
- Лезги хуьруькай кьвед лагьай ватан хьунал, яргъал йисара камаллу, гьуьрметлу халкьдин арада яшамиш хьунал зун рази ва шад я, - лагьана Александра Ефи-мовнади. – Мадни, райондин Кьил Нариман Шамсудинович, депутат Гьамидуллагь Исма-илович атуни, гуьгьуьл къачуни, дерди-гьал хабар кьуни зун са шумуд йисан жегьил хъувуна. Зун квелай гзаф рази хьана ва за жуван, хзандин патай квез чухсагъул лугьузва.
Н. Ш. Абдулмуталибова ва Гь. И. Мегьамедова зегь-метдин ветеран А. Е. Вара-кинадихъ мадни яргъал йисарин уьмуьр, сагъламвал, хзандин бахтлувал хьана кIанзавайди лагьана ва адаз цуьквер, пулдин пишкеш гана.