Газет хъсан, адан чинриз акъатзавай материалар метлеблубур хьуни зак шадвал кутазва.
Хъсан гьар са кар тебрик авун лазим я. Ингье, эхиримжи вахтара газетда «Шикилди таъсирлу ийизва» тIвар алаз цIийи рубрика кардик акатнава. Ана, шикилни галаз, чи хуьрера рехъ гузвай кимивилер, чIуру кIвалахар къалурзава, талукь руководителрин фикир абур арадай акъудунал желбзава. Кьилди къачуртIа, и рубрикадик кваз газетдиз акъатай Х. Кьасумован «… Бубуярни перишан я», «Имуч-муча, виринра авайди», «Имни къайда жеч эхир», «Машинар – тротуардал» кьилер ганвай макъалаяр метлеблубур, таъсир ийидайбур хьанва.
Районда тарифдай крар, кIвалахар гзаф ава. ЯтIани, кимивилеризни рехъ гузва. Абурукай газетда чин кьун тавуна кхьин лап хъсан кар жезва. Чир хьурай гьар са касдиз вичи ийизвайди чIуру кIвалах тирди.
Асали Абасмирзоев, Чуьхверхуьр.