Эхиримжи йисара чи уьлкведа гзаф кьадар варлу ксар, бизнесменар майдандиз акъатзава. Уьлкведин экономика базардин алакъайрал элячIнавай алай шартIара им тIебии карни я. Абурукайни са бязибуру, чпин мумкинвилерикай менфят къачуна, алай муракаб шартIара дарда авай кьилдин ксариз, мектебриз, аялрин ясли-бахчайриз, мергьеметлувилин къанунралди, куьмекдин гъил яргъи ийизва.
Ихьтинбурун жергедай яз карчи тир алидхуьруьнви Хазаров Камилан тIварни кьаз жеда. Алукьнавай пак Рамазандин вацран гьуьрметдай ада хайи хуьре кардик квай Кьасумхуьруьн 3-нумрадин аялрин бахчадин бицIекриз вичин патай еридин недай продуктралди куьмекар гузва.
Ихьтин мергьеметлувилин кIвалахдай и ясли-бахчадин заведующий Алискендарова Саягьат Шихмегьамедовнади вичин ва гьакIни анин амай работникрин ва бицIекрин тIварцIихъай Камилаз еке чухсагъул лугьузва.
Эхь, пак Рамазандин вацра авур мергьеметлувилин крарай, гайи садакьайрай къвезвай сувабрин сан генани артух жедайдал шак алач.
Ша, чун регьимлу ва мергьеметлу жен, инсанар.
Асият Мусаева